Den pensjonerte sjøbussen «MS Vestgar» får pengar frå fylkeskommunen til drift og vedlikehald.
Sjøbussen «MS Vestagar» frakta Øygardsstrilane til Bergen frå 1957 fram til han fekk avløysing av vegutbygginga i 1979. I 2014 vart han freda av Riksantikvaren.
I dag er det Øygardsbåtane AS som sørgjer for istandsetjing, drift og vedlikehald av båten. Veteranbåtentusiastane med Solsvik som heimehavn får no til saman 345.000 kroner frå Vestland fylkeskommune til drift og vedlikehald av båten dette året.
145.000 kroner vert gjeve som tilskot til forvaltning og drift av verna fartøy. 200.000 kroner er løyvd som tilskot til sikring og istandsetjing.
