Equinor har tildelt to viktige kontraktar med ein samla verdi på 1,3 milliardar til verkeleggjering av Northern Lights.
Kværner AS er til delt den største kontrakten. EPC-kontrakten på prosjektering, anskaffing og bygging av landanlegget i energiparken på Kollsnes er verdsett til 1,05 milliardar kroner, melder Equinor i ei børsmelding.
Landanlegget på Kollsnes skal ta i mot flytande CO2 for mellomlagring og vidare eksport via røyrleidning for permanent lagring under havbotnen i Nordsjøen.
Arbeidet vert planlagt å starta i januar 2021 og vert planlagt ferdig innan 1. kvartal 2024.
Aker Solutions AS, morselskapet til Kværner AS, er tildelt ein EPC-kontrakt for levering av eit undervassystem for inspeksjon av CO2-brønnen i Nordsjøen. Kontrakten er tildelt som eit avrop under den eksisterande rammeavtalen med Equinor og vil ha ein verdi på 250 millionar kroner. Arbeidet vil starta i januar 2021, med installasjon og fullføring i 2023. Kontrakten har også ein opsjon på framtidige brønnar.
-Kontraktane er avgjerande for at Northern Lights prosjektet skal lukkast. Vi ser fram til å samarbeida med Aker Solutions og Kværner slik at vi kan levera på ein del av løysinga for å redusera industrielle utslepp, seier Sverre Overå som er prosjektdirektør for Northern Lights.
Prosjektet vil skapa arbeidsplassar fleire stadar i Hordaland. Landanlegga vil verta prefabrikkerte ved Aker Solutions verft på Stord før installasjon på anlegget, melder Equinor.
