Vil ha næringslivet med på felttoget mot fylkesmannen

FrP går hardt ut mot fylkesmannen og Statens vegvesen sitt lovheimla høve til å nedleggja veto i arealsaker.

Helge Andre Njåstad og FrP er opptekne av at kommunane skal ha siste ordet når det gjeld arealutnytting. Arkivbilete.

Innsigelse er rett ord å nytta når fylkesmannen eller Statens vegvesen overprøver kommunale vedtak om arealutnytting, bygging i strandsona eller i andre sårbare område.

FrP, med kommunalpolitisk talsperson Helge Andre Njåstad i spissen, la nyleg fram eit forslag for Stortinget om å ta frå dei to statlege instansane retten til å koma med innsigelse i arealsaker.

Les: Ber Stortinget vengeklyppa fylkesmannen

Førstkomande tirsdag inviterer partiet til dialogmøte med lokalt næringsliv for å orientera om lovforslaget. Vest Næringsråd er medarrangør for møtet. 

Både Njåstad og Silje Hjemdal, partiet sin andrekandidat frå Hordaland på Stortinget, vil delta.

– Dette handlar om å fjerna dårlege og dyre byråkratiske løysingar som hemmer verdiskaping i kommunane, hevdar Njåstad i ei pressemelding.

FrP-politikaren har sett seg lei på at fylkesmannen har ikkje teke til seg signala frå Høgre-regjeringa om å leggja sterkare vekt på lokale vedtak.

-Det at høvet til innsigelse eksisterer gjer det vanskeleg for privatpersonar og næringsliv å føresjå utfallet i saka si. Eg er sikker på at mange kvier seg for ¨setja i gang byggeprosjekt fordi dei må gjennom eit hav av endringar før du kanskje får byggjeløyve etter kostbare og tidkrevjande prosessar, seier Njåstad.

 

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

This site uses Akismet to reduce spam. Learn how your comment data is processed.