Når sola går ned i ein sekk…

Å nyta solnedgangen over den øygarske skjærgarden frå Fjell festning kan inspirera meteorologen i oss alle.

Fjell festning er ein populær stad å oppleva sola synka ned i Nordsjøen

Øygarden byr på mange fine stadar der vi strilar kan sjå sola søkkja i havet. Turen til Fjell festning i kveld inspirerte meteorologen i meg.

Les: Opplev solnedgangen frå Turøyvarden

«Når sola går ned i ein sekk, er neste dag vekk», er det eit gammalt vêrteikn som seier. Eit anna vêrteikn med tilsvarande konklusjon lyder «aften rød gjør morgen blød». 

Moderne meteorologar har etterprøvd realitetane bak desse og andre gamle vêrteikn. I motsetnad til mange andre er desse to bygde på faktiske meteorologiske tilhøve og eigna til å seia noko om korleis morgondagen vert, vêrmessig sett, lyder konklusjonen frå fagleg hald.

Les: Ask før eik

Vêrteikna byggjer på observasjonar av skyene. Her vestpå er det eit faktum at skysystema ofte kjem inn frå Nordsjøen i vest. Går sola ned i ein sekk, slik ho gjorde i kveld, er det eit teikn på at det truleg vil skya til over natta, og at sola ikkje vil vera å sjå i morgon. Ein nydeleg, raud solnedgang skal vera eit varsel om det same.

Ein rask kikk på yr.no tyder på at hobby-meteorologen kan få rett…

Skyene i vest farga solnedgongen raud.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

This site uses Akismet to reduce spam. Learn how your comment data is processed.