Fridom er ikkje noko som kjem gratis

8. mai er ei påminning om at fridom ikkje er noko som kjem gratis.

Talar og kransenedlegging ved minnestøtta i Telavåg. Fv. ordførar Tom Georg Indrevik, leiar for Nordsjøfartsmuseet Jenny Heggvik, tidlegare brigader og veteran Ole Asbjørn Fauske og kommandør Svein Erik Kvalvaag, sjef for Sjøforsvarets hovedbase Haakonsvern.

Koronasituasjonen medverka til at få telavågbuar hadde funne vegen til 75-årsmarkeringa for fredsslutninga etter 2. verdskrigen og minnemarkeringa over bygda sine mange falne i tysk fangenskap.

Først og fremst er 8. mai ein dag for å minnast alle dei som kjempa og gav liva sine, i kamp for fridom frå ein ondskap som i dag ikkje er lett å fatta og som vi aldri må gløyma, helsa ordførar Tom Georg Indrevik.

Minnemarkeringa i Telavåg fekk ein dobbelt bodskap dette året. 8. mai er også veterandag. Saman med leiar Jenny Heggvik ved Nordsjøfartsmuseet hadde ordføraren henta inn Sjøforsvaret og veteranforeninga til å vera med å markera dagen.

Veteranane spelar ei viktig rolle for å vidareføra historien til dei som opplevde 2. verdskrigen.  Veteranane er ei stadig påminning om at freden ikkje er gratis, men noko vi må kjempar for kvar einaste dag, sa tidlegare brigader Ole Asbjørn Fauske i talen sin.

Meir enn 100.000 nordmenn har i desse 75 åra bidrege til å oppretthalda fred kringom i verda, i 40 internasjonale operasjonar. 

Du kan sjå heile minnemarkeringa i Telavåg på Øygarden kommune sine nettsider.

One thought on “Fridom er ikkje noko som kjem gratis

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

This site uses Akismet to reduce spam. Learn how your comment data is processed.