Foreslår å dela opp OPS-kontrakten

Situasjonen kring koronaviruset kan koma til å forseinka Sotrasambandet, fryktar stortingsrepresentant Ruth Grung (A).

Korona-restriksjonane tilseier at det ikkje vil vera mogeleg å gjennomføra prekvalifiseringa av dei potensielle utanlandske entrepenørverksemdene innan rimeleg til, hevdar Grung.

Les: For stort for norske entrepenørar

I eit spørsmål til samferdselsminister Knut Arild Hareide (KrF), spør stortingsrepresentanten korvidt han vil dela opp OPS-kontrakten på Sotrasambandet i 3 – 4 totalentrepriser. Då vil norske entrepenørar kunna ta på seg oppdraget, og sikra at det kjem ut i marknaden tidlegare enn ved eit offentleg – privat samarbeid.

Hareide har tidlegare hevda det ville vore ulønsamt og lite effktivt å dela opp OPS-kontrakten til 10 milliardar kroner.

Les: Samferdselsministeren om OPS-kontrakten

Når unntakstilstanden som følgje av pandemien går over, vil det vera stort behov for å få opp att aktivitetsnivået i norsk arbeidsliv, grunngjev Grung spørsmålet.