For stor for norske entrepenørar

Fire utanlandske aktørar vert vurderte som aktuelle til å byggja det nye Sotrasambandet.

Slik skal det nye Sotrasambandet sjå ut. Illustrasjon: Rambjøll.

OPS-kontrakten på bygginga av det nye Sotrasambandet vil verta Norgeshistoriens største, og vert vurdert å ha ein verdi på kring 10 milliardar kroner, i tillegg kjem driftskostnadane gjennom dei første 25-åra.

Bransjeorganisasjonen Byggenæringens Landsforening gjekk sist haust ut og hevda at kontrakten vart for stor, sjølv for dei aller største norske entrepenørverksendene.

Les: Bransjeorganisasjon åtvarar mot Sotrasambandet

Statens vegvesen bekreftar i dag at berre utanlandske tilbydarar vert vurderte som kvalifiserte til å byggja sambandet.

Desse fire har søkt om å verta prekvalifiserte:

  • VINCI Concessions SAS
  • FCC Concesiones de Infraestructuras S.L.U
  • China Communications Construction Company Ltd.
  • ITINERA SPA

– No startar den krevjande jobben med å vurdera dei innkomne kvalifiseringssøknadane. Dagen i dag er ein viktig milestolpe for oss som arbeider med Sotrasambandet, seier prosjektleiar Arve Tjønn Rinde i ei pressemelding frå Statens vegvesen.

Statens vegvesen skal no nytta tida fram til medio april på å gå gjennom dokumentasjon og vurdera kor vidt selskapa er kvalifiserte i høve til krava i kontraktsutlysinga. Tre grupperingar skal gå vidare til dialog og forhandlingar.

Det vert venta at kontraktsigneringa vil skje hausten 2021.

5 thoughts on “For stor for norske entrepenørar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

This site uses Akismet to reduce spam. Learn how your comment data is processed.