Stort opplag og beskjedent sal gjer at Sund kommune no sel unna dei fem banda av gards- og ættesoga for Sund for 100 kroner boka.
(Saka er oppdatert.)
Sundsokningane er sånn gjennomsnittleg interessert i slektshistoria si, men mange nøyer seg med å kjøpa boka for si eiga bygd, seier Laila Klemetsaune, einingsleiar for kultur.
Frå og med i dag kan du kjøpa dei fem første banda i Sund på Søre Sotra på for kroner 100 på biblioteket.
-Det er betre at bøkene vert lesen i heimane enn at dei ligg på lager. Dei misser òg sin aktualitet etter kvart, legg Klemetsaune til.
Kultursoga
Kultursoga rekk forfattaren Frode Fyllingsnes såvidt setja siste punktum i før Sund går over i historien som eigen kommune. Den vil først koma i handelen 5. desember i år. Betalar du innan 15. november, får du den for 450 kroner. Ventar du til etter lanseringa stig prisen til 500 kroner.
