Risikoen for entrepenøren som får oppdraget med å byggja det nye Sotrasambandet er så stor at norske entrepenørar i praksis vert ekskludert frå tilbodsprosessen, åtvarar Byggenæringens Landsforening.
Nettavisa Tunnelsyn.no har lenge peika på dei økonomiske risikoaspekta forbunde med den rekordstore kontrakten på bygginga av nytt Sotrasamband.
Les: Sotrasambandet kan setja verdsrekord
Les: Sotrasambandet, luftslott og globale megatrendar
I dag går administrerande direktør Jon Sandnes i Byggenæringens Landsforening ut i BA og åtvarar mot risikoen i prosjektet.
-Vi er kritiske til dimensjonane i dette prosjektet, seier Sandnes til BA.
Byggenæringa ser varsellampane lysa. Sotrasambandet vert meir enn dobbelt så kostbart som den grensa norske entrepenørar vanlegvis opererer med i store utbyggingsprosjekt.
Sjølve bygginga er kalkulert til vel 10 milliardar kroner. I tillegg kjem kostnadane med drift og vedlikehald gjennom den 20 år lange driftsperioden. Totalt er det snakk om kostnadar i storleik kring 17 milliardar kroner.
Entrepenøren som får oppdraget må finansiera byggjekostnaden i forkant. Midlane som er avsett i Nasjonal Transportplan vil først verta betalte i ettertid, ifølgje BA.
Om ein utanlands entrepenør får oppdraget vil det innebera små eller ingen synergiar for den norske byggebransjen, fryktar Sandnes.
One thought on “Bransjeorganisasjon åtvarar mot Sotrasambandet”