Equinor fekk ved årskiftet den aller første lisensen for lagring av CO2 på norsk sokkel. No har dei fått løyve til å starta leiteboring.
Prosjektet Northern Light tek sikte på å fanga CO2 frå store industrianlegg på land, føra den med skip til Kollsnes i Øygarden og derifrå i rør ut i Nordsjøen for permanent lagring under havbotnen.
Les: Historisk lisenstildeling for CO2-lagring
Leitebrønnen, som har fått namnet Eon, vert den første i sitt slag. Arbeidet skal verifisera korvidt berglaga i undergrunnen er eigna til injeksjon og lagring av CO2, melder Petroleumstilsynet.
Equinor, Shell og Total håpar Northern Light kan verta starten på kommersiell produksjon av hydrogen gjennom spalting av norsk gass med utskiljing av CO2 i prosessen.
Les: Planlegg hydrogen-produksjon på Kollsnes
Det aktuelle lagringsområdet for CO2 ligg vest for Trollfeltet i Nordsjøen. Havdjupna på staden er 307 meter.
Boringa vert planlagt å starta i midten av oktober og vil vara i omlag 80 dagar.
Les: Klimaministeren på Kollsnes: -Kostnaden med CO2-fangst må ned
