Senterpartiet får ordføraren i nye Vestland fylkeskommune, og radværingen Jon Askeland vert fylket sin framste talsperson.
(Saka er oppdatert.)
Nathalie Golis (MDG) vert fylkesvaraordførar, melder NRK.
Dei to skal leia ein breidt samansett sentrum – venstre koalisasjon sett saman av representantar for Senterpartiet, MDG, KrF, SV, Venstre og Arbeidarpartiet.
Koalisjonen får fleirtal, med 38 av 65 representantar. Mandatfordelinga vert slik: Arbeidarpartiet 14, Senterpartiet 10, Miljøpartiet Dei Grøne 5, Sosialistisk Venstreparti 4, Kristeleg Folkeparti 3 og Venstre 2.
Arbeidarpartiet får leiaren for tre av dei politiske utvala.
