Statens vegvesen har underteikna kontrakt med entrepenør om utbetring av fv. 213 Skiftesvik – Marikoven.
Fire entrepenørar la inn bod på utbetring av den sjette delstrekninga av Askøypakken. Hønefoss-verksemda Contexo AS hadde lågast bodet, på 98,4 millionar kroner. Heile 44 millionar kroner rimelegare enn det dyraste bodet.
Nedsprenging av ei inntil 30 meter høg og 120 meter lang fjellskjæring i Kvitaneset vert den mest krevjande oppgåva på den 1,4 kilometer lange vegstrekninga. Heile 35.000 kubikkmeter stein skal sprengjast og fraktast vekk.
Les: Fire entrepenørar vil ha denne jobben
Det vert venta at arbeidet startar opp alt denne hausten, og at det vil halda på halvanna år framover.
