Feriestengninga av Fv. 563 gjennom Mølledalen for biltrafikk nærmar seg slutten.
Utbetringa av Fv. 563 Strømsnes – Hop er ein del av Askøypakken. Gjennom Mølledalen har Statens vegvesen samarbeida med Askøy kommune om legging av nytt leidningsnett tvers over vegen. Ei oppgåve som har vore så omfattande at vegen måtte stengjast tre veker i fellesferien.
Framleis er det arbeid som attstår. Vegen skal likevel vera klar tidleg mandag morgon slik at bussane igjen kan køyra denne strekninga, har byggjeleiar Rune Angeltveit i Statens vegvesen blitt forsikra av entrepenørverksemda.
