Talet på fjellsokningar som er avhengig av sosialstønad i lengre tid for å overleva har eksplodert siste året.
Fjell-økonomien er langt frå friskmeld etter oljeprisfallet i 2014, viser rådmann Steinar Nesse sin statusrapport til kommunestyret etter første halvår.
Ei av kjeldene til uro er den veldige auken i talet på fjellsokningar som er heilt eller delvis avhengig av sosialstønad i lengre tid for å overleva. I juni var det heile 528 fjellsokningar som hadde motteke sosialstønad i meir enn to månadar. Det er heile 93 fleire enn i same månaden i fjor.
Den kommunale delen av NAV hadde samla utgifter på 25,2 millionar kroner i første halvår. Det er 4,6 millionar kroner meir enn budsjettet tilseier.
Auken i utbetalingane av økonomisk sosialhjelp skuldast i hovudsak at Regjeringa har skyve ansvaret over på kommunane som følgje av omlegging av reglane for arbeidsavklaringspengar (AAP), ifølgje rådmannen i Fjell.
Regjeringa kutta i fjor stønadsperioden for mottak av AAP frå fem til tre år.
| Mottakarar av sosialstønad | 2018 | 2017 | Endring | %
endring |
| Januar | 512 | 440 | 72 | 16,4 |
| Juni | 528 | 435 | 93 | 21,4 |
Også talet på uføre i Fjell aukar veldig.
Du kan lesa heile økonomirapporten på heimesidene til Fjell kommune.
