Entrepenørverksemdene vurderer kostnaden forbunde med å utbetra Fv. 213 Skiftesvik – Marikoven svært ulikt, viser dei innkomne tilboda.
Utbetringa av Fv. 213 Skiftesvik – Marikoven vert den sjette av strekkjene i Askøypakken.
Då freisten for å leggja inn tilbod på entreprisen gjekk ut i dag, hadde det kome inn bod frå fire entrepenørverksemder.
Entrepenørverksemdene vurderer jobben svært ulikt, viser dei innkomne tilboda. Forskjellen mellom rimelegaste og dyraste tilbodet er på heile 45 prosent. Medan rimelegaste entrepenørverksemda kalkulerte oppdraget til å kosta 98,4 millionar kroner, kravde den dyraste heile 142,5 millionar kroner, kjem det fram av protokollen.
Nedsprenging av ei inntil 30 meter høg og 120 meter lang fjellskjæring i Kvitaneset vert den mest krevjande oppgåva på den 1,4 kilometer lange vegstrekninga. Heile 35.000 kubikkmeter stein skal sprengjast og fraktast vekk.
Les: Her kan det verta lenga å venta
One thought on “Fire entrepenørar vil ha denne jobben”