På tide å vurdera alternativ skuletomt?

Når må fylkesdministrasjonen ta stilling til om ny vidaregåande skule på Sotra må flyttast til den alternative tomten på Straume?

Oppstart på tomten til ny vidaregåande skule på Sotra er tett kopla mot framdrifta av Sotrasambandet. For kort tid sidan vart det klart at oppstarten på arbeidet med Sotrasambandet er utsett.

Les: Varslar utsetjing av tilbodsutlysinga

Aud Karin Oen (SV, Øygarden) er uroleg for at dette kan få konsekvensar for framdrifta av ny vidaregåande skule i nye Øygarden.

-Når vil fylkesadministrasjonen måtta ta ei vurdering på om arbeidet lyt starta på alternativ tomt, spør Aud Karin Oen (SV) i eit skriftleg spørsmål til fylkesutvalet i Hordaland denne veka.

Fylkestinget føresåg ein slik situasjon då dei sist haust vedtok at den nye nye vidaregåande skulen for Sotra og Øygarden skal plasserast sentralt på Straume, på massane frå arbeidet med det nye Sotrasambandet som skal fyllast ut i Stovevatnet.

Les: No har fylkestinget sagt sitt om tomtevalet

Som alternativ tomt peika fylkestinget på området aust for rådhuset på Straume.