Så mange øygardsstrilar er vi no

Statistikken over folketalsutviklinga i 2018 i kommunane som snart vert nye Øygarden er klar.

Folkeveksten i Fjell, Sund og Øygarden haldt fram i fjerde kvartal i fjor, men med minska styrke. Nyttårsafta var vi til saman 430 fleire øygardsstrilar enn då året tok til, viser den dagsferske statistikken frå SSB.

Ved siste årsskifte var vi til saman 38.117 øygardsstrilar, noko som tilsvarar ein auke i folketalet på 1,1 prosent for alle tre kommunane sett under eitt gjennom heile 2018.

Skilnadane er store kommunane i mellom, viser tala frå SSB.

Strekaste folkeveksten fann stad i Fjell. 441 nye fjellsokningar oppvog utviklinga i kommunane i nord og sør.

Les: Fjell vinn på folkevekst

I Sund forsterka fråflyttinga i dei tre siste månadane den negative vekten for året sett under eitt.

I Øygarden snudde flyttestraumen i siste kvartal. Frå å ha vore ein attraktiv kommune å flytta til, var det fleire som flytta vekk enn som flytta til i dei tre siste månadane av året.