Totalpris 17 milliardar

Statens vegvesen reknar at den totale kostnaden med nytt Sotrasamband vert 17 milliardar kroner.

Det bekreftar samferdsleminister John Georg Dahle (FrP) i eit svar til stortingsrepresentant Ruth Grung (A).

Totalkostnaden med bygginga av nytt Sotrasamband vil verta nær 70 prosent dyrare enn verdien på sjølve OPS-kontrakten, som Statens vegvesen anslår vil enda ein stad kring 10 milliardar kroner.

Les: Sotrasambandet kan setja verdsrekord

Totalsummen på 17 mrd. kr er knytt til samla anslag for milepelsutbetaling til OPS-verksemda som skal byggja prosjektet, arbeid i regi av Statens vegvesen, årleg betaling for tilgjenge og drift samt eit påslag for uvisse, ifølgje Dahle.

Av dei 17 milliardane har Staten, gjennom Stortingsproposisjon 41S (2017-2018) forplikta seg til å betala 10,5 milliardar.

Brutto bompengeinntekter vert rekna til å verta 7,3 milliardar, korav 6,5 milliardar vil gå til bygginga av prosjektet.

Les: Rekninga for Sotrasambandet kan enda på 20 milliardar