Bergen Group ASA avviklar avdelinga for prefabrikasjon på Straume.
Det melder det børsnoterte selskapet i samband med kunngjeringa av resultatet for fjerde kvartal 2018 i dag.
Sleit
Prefabrikkasjonsavdelinga på Straume sleit med lønsemda gjennom heile fjoråret. Samla underskot på drifta gjennom året vart på 10 millionar. Medrekna kostnadane i samband med avviklinga, belasta avdelinga Bergen Group ASA med totalt 21 millionar kroner i fjor, kjem det fram av børsmeldinga.
Restrukturering og fusjon
Etter omfattande restruktureringar og fusjonen med Stavangerverksemda Endur Fabricom AS klarte verksemda snu den negative utviklinga i fjerde kvartal, melder styret.
Ordrereserven ved årskiftet utgjorde 275 millionar kroner. Opp 80 prosent samanlikna med førre årsskiftet.
Svekka inntekter
Snuoperasjonen klarte likevel ikkje hindra ta Bergen Group AS fekk svekka driftsinntektene med 49 millionar kroner i 2018 samanlikna med året før. Driftsinntektene for 2018 enda på 224 millionar kroner.
Resultatet før skatt enda på minus 71,6 millionar kroner, ned 60 millionar samanlikna med 2017.
Namneskifte
Fusjonen med Endur Fabricom er no inne i sluttfasen. Verksemda vil framleis vera børsnotert, men vil skifta namn til Endur ASA.
