Purrar på nytt Sotrasamband

Stortingsrepresentant Ruth Grung (A) purrar på samferdselsminister John Georg Dale om nytt Sotrasamband.

Stortingsrepresentanten frå Hordaland vil gjerne ha svar på når OPS-kontrakten på nytt Sotrasamband vert lyst ut, og når innbyggjarane kan venta at det nye sambandet vil stå ferdig.

Sotrasambandet er einaste vegsambandet for 37.000 innbyggjarar i Fjell, Sund og Øygarden til Bergen. Daglege køproblem rammar innbyggjarane, næringslivet og kommunane sine mogelegheitar til vekst og utvikling, seier stortingsrepresentant Ruth Grung i eit spørjetimespørsmål til samferdselsminister John Georg Dale

Les: Sotrasambandet kan setja verdsrekord

-Sjølv om oppstarttidspunktet blir utsett, vil Sotrasambandet stå ferdig til avtalt tid, skal samferdselsministeren tidlegare ha lova, ifølgje Grung.