22,5 prosent statleg bidrag til Sotrasambandet er altfor lite, meinar den politiske leiinga i i Fjell, Sund, Øygarden og Bergen. Tirsdag møtte dei Hordalandsbenken i Stortinget for å be om auka løyving over Nasjonal Transportplan (NTP).
Ordførar Marianne Bjorøy og varaordførar Tom Georg Indrevik i Fjell fronta den topptunge delegasjonen som også omfatta ordførar Kari-Anne Landro i Sund, ordførar Børge Haugetun i Øygarden og byråd for byutvikling, Anna Elisa Tryti, i Bergen.
Det nye Sotrasambandet er kostnadsrekna til 8,9 milliardar kroner, nær ein milliard kroner per kilometer, og vert eit av dei dyraste i landet, målt etter kostnad per kilometer.
I NTP er det berre sett av to milliardar i statleg finansiering. Resten må finansierast av bompengar.
45 kroner er nok
Bompengane må ikkje overstiga 45 kroner ein veg, medrekna rabatt, har den politiske leiinga i dei fire kommunane som avheng av sambandet har rekna seg fram til. For å få det til, må den statlege finansieringa aukast frå 22,5 prosent, til 55 prosent av investeringskostnadane, eller 4,9 milliardar kroner.
Mindre enn Rådal – Svegatjørn
Bidraget til Sotrasambandet vil i så fall vera lågare enn den statlege finansieringa av Rådal – Svegatjørn. Her klarte leiinga i Os nyleg å forhandla opp den statlege andelen til 60 prosent.
Les også:
Kan det henda her?
Sotrasambandet – tre alternativ for bomstasjonar
Ei utfordring å finna finansiering
7 thoughts on “Ba Stortinget om 4,9 milliardar til Sotrasambandet”